ԿԱՆԹԵՂ ԳՐԱԿԱՆ - Հեղինակ՝ . Thursday, March 10, 2016 4:51 - չքննարկված

Կանթեղ գրական:ԱՐՄԵՆ ԱԼԱՎԵՐՏՅԱՆ

Արմեն Ալավերտյան (1)ԱՐՄԵՆ ԱԼԱՎԵՐՏՅԱՆ

**

ԽՈՍՏՈՎԱՆՈՒԹՅՈՒՆ

Կորնչական ընթացքիս մեջ, Բազմաձիրք,
Սուրբ ծնունդդ ավետիս է, Օրհներգու,
Հինն անտեսում, թե բացում եմ մի նոր գիրք,
Անժխտելի խանդաղատանքդ եմ հերքում:
Պարսավելի մի բան մնաց անցյալում,
Դատավորի կեցվածքն էր՝ ինձ անհարիր,
Տարեգլխին անգամ ես չեմ ընկալում,
Որ մեղքերս են շարակցական, հատընտիր:
Ասես, ցավի ասեղնագործ զարդանախշ,
Վրիպեցի, երբ որ քելքս էր ձախավեր,
Ծածանեցի անհուսության մի շղարշ,
Այս մի մեղքս էլ գուցե անես անվավեր:
Թե ում գետնեց ներսիս անգութ բանսարկուն,
Երբ աշխարհն ինձ թվում էր մի վերելակ,
Որտեղ մնաց իմ հույզերի կաթնտուն,
Օտարված եմ, մեծատոհմիկ նվիրակ:
Նզովում եմ շնորհներս պոետիկ,
Երբ հոգուս մեջ ամայացել եմ իսպառ,
Ինչ եմ անում այն շարժերը տեկտոնիկ,
Ուր ոսկին՝ սույզ, մնացել է լոկ կապար:

**

ԱՆԻ

Ցող արցունքի մեջ աշխարհն ակներև
Գարնան հալոցք է կամ աշնան տերև,
Գոռ կատարներից բացվեց առավոտ,
Ինչ միալար ես, անհասցե կարոտ:
Անին մարգարիտ և լքված խեցի,
Բնավեր ոստան, բյուր եկեղեցի:
Քառասուն դուռ կա քաղաքում անուրջ,
Եվ Ախուրյանից ձգվող մի կամուրջ:
Սմբատ արքայի քանդակ հոյակերտ
Ձեռքիդ պահում ես Անին՝ մանրակերտ:
Մայր տաճարի մեջ Սուրբ Աստվածածին
Որմնանկարում Տերն է միածին:
Զվարթնոցի պես կատարյալ ու շեն
Սուրբ հոգու խորան կոչված Գագկաշեն:
Առաքելոց վանք, Փրկիչ-կացարան,
Որբ է իմ Անին, հուշի կայարան:
Միտքս շրջում է քաղաքում անէ,
Ուր ժամանակը վաղուց անկարգ է,
Զարդեղեն ու զենք և ճենապակի…
Ցավից խորասույզ մեկն ինձ ապտակի:
Եվ հարյուր տարվա մենությունն է այս
Ցող արցունքի մեջ ծվարած երազ,
Գարնան հալոցք է, թե տերև աշնան,
Ինձ կանգնած թաղեք մահս չիմանամ:

Արմեն Ալավերդյան



Գրեք Ձեր կարծիքը

ՀՂՈՒՄՆԵՐ ԳՐԵԼՈՒ ԿԱՆՈՆՆԵՐ

- Չի խրախուսվում ամբողջովին մեծատառերով գրված հղումները,
- Մի գրեք փողոցային դարձվածքներով,
- Արգելվում է գովազդային հղումները,
- Մի գրանցեք անձնական վիրավորանքներ:

Գրառում կատարելուց հետո ստուգեք Ձեր էլ–փոստարկղը (Inbox եւ Spam) հավելյալ գործողությունների համար.

Comment



` 1 2 3 4 5 6 7 8 9 0 - = Back
TAB q w e r t y u i o p [ ] \
Caps a s d f g h j k l ; ' Enter
Shift z x c v b n m , . / Shift
Ctrl Alt   Alt Ctrl

Միացնել հայերենը

*

ՀԵՌՈՒՍՏԱԾՐԱԳՐԵՐ, Ս. ՔԻՐԵՄԻՋՅԱՆ - Aug 19, 2016 10:00 - չքննարկված

Ինչպես ընդունվեց Հայոց ցեղասպանության և ժխտման քրեականացման օրենքը Սլովակիայում :Ինչպես Հայաստանը ունեցավ Ռազմական ինքնաթիռներ:Ստեփան Քիրեմիջյանի հյուրն էր ԵՀՄՖ նախագահ Աշոտ Գրիգորյանը:

More In Ս. ՔԻՐԵՄԻՋՅԱՆ