ԼՐԱՀՈՍ - Հեղինակ՝ . Thursday, February 21, 2013 12:57 - չքննարկված

«Հայազն» կուսակցության հայտարարությունը…

«Հայազն» կուսակցության հայտարարությունը նախագահի ընտրության վերաբերյալ

    • Քաղաքականություն – 
2013թ. բեմականացված նախագահական ընտրության հիմնական արդյունքը իշխող վարչախմբի աննախադեպ ու խայտառակ պարտությունն է: Փաստերի առարկայական ուսումնասիրությունը հաստատում է, որ Սերժ Սարգսյանը ստացել է ընտրատեղամաս եկածների քվեների առավելագույնը 40 տոկոսը, ներառյալ ընտրակաշառքով և վարչական ապօրինի լծակների կիրառմամբ ստացված ձայները, և ստիպված է եղել դիմել ավելի կոպիտ խախտումների: Ըստ այդմ` Հայաստանն առաջիկա տարիներին նույնպես չի ունենա լեգիտիմ նախագահ և իշխանություն:Միաժամանակ հաստատում ենք, որ այս ընտրությունն անցավ քաղաքական պայքարի բացակայության պայմաններում: Ընդդիմության երկու ռևանշիստական ձևաչափերը հրաժարվեցին պայքարից: Գաղափարական մրցակցությունը նույնպես իսպառ բացակայում էր, մասնավորապես, ոչ ոք չէր ներկայացնում քաղաքական դաշտի ազգային բևեռը: Առատ էին ակնհայտորեն անմրցունակ, նույնիսկ խեղկատակ թեկնածուները: Այլընտրանքայնության պատրանքը պետք է ապահովեին քիչ թե շատ քաղաքական կենսագրություն ունեցող երեք թեկնածուները: Նրանցից ամենաազդեցիկի` Րաֆֆի Հովհաննիսյանի գլխավորած միավորը խորհրդարանական ընտրությունների պաշտոնական տվյալներով սովորաբար արձանագրում էր 6 տոկոսանոց արդյունք:Ընտրողների բացարձակ մեծամասնությունը, մերժելով իշխող վարչախմբին, անձամբ Սերժ Սարգսյանին և գործնականում չունենալով որևէ այլընտրանք, քվեարկեց ակնհայտորեն ավելի աչքի ընկնող թեկնածուի օգտին, որի արդյունքում ընդդիմադիր թեկնածուն նույնպես գրանցեց աննախադեպ մեծ ցուցանիշ: Այս փաստը մեծ ոգևորություն է առաջ բերել և հիմա ընդդիմադիր գործիչների ու ժողովրդական զանգվածի զգալի մասը մեծ սպասելիք ունի Րաֆֆի Հովհաննիսյանի հետագա գործողություններից: Սա մի կողմից մեծ պատասխանատվություն է առաջ բերում թեկնածուի համար, մյուս կողմից մեծացնում է հիասթափության և հուսահատության վտանգը:

Նոր կազմավորվող «Հայազն» կուսակցությունը անցած ընտրությունների վերաբերյալ հանդես է եկել բոլորին, այդ թվում, Րաֆֆի Հովհաննիսյանին դեմ դիրքորոշմամբ: Դրա համար որպես հիմք ունեցել է վերջինիս առանձին մերժելի տեսակետները, մասնավորապես, Արցախի կարգավիճակի, Արցախ ադրբեջանցի փախստականների վերադարձի, վերպետական կազմավորումներում Հայաստանի ինտեգրման վերաբերյալ, շռայլված տարբեր խոստումների չհիմնավորված կամ ամբոխահաճ լինելը և այլ հանգամանքներ: Այսօր էլ «Հայազնը» իր դիրքորոշումը չի փոխել անկախ նախագահի թեկնածուի գրանցած հաջողությունից:

Այնուամենայնիվ, մենք պատրաստ ենք առաջիկայում աջակցել ցանկացած գործունեության, որը կնպաստի Հայաստանում քաղաքական խաղի ավելի արդար կանոններ հաստատելուն:

Միաժամանակ մենք վստահ ենք, որ Հայաստանում հեղափոխական շարժումների անհաջողության պատճառը ոչ թե սխալ մարտավարությունն է կամ առաջնորդների անբավարար վճռականությունը, այլ հեղափոխական գաղափարների բացակայությունն է կամ անբավարար ներկայացվածությունը, ինչպես նաև նման գաղափարների շուրջ կազմակերպվածության պակասը: Անկախ ընթացիկ զարգացումներից, «Հայազնը» ավելի ուշ հանդես կգա ազգային հեղափոխության բովանդակության և մարտավարության մասին իր համապարփակ առաջարկությամբ:

«Հայազն» կուսակցության Վարչություն, 21 փետրվարի 2013 թ.



Գրեք Ձեր կարծիքը

ՀՂՈՒՄՆԵՐ ԳՐԵԼՈՒ ԿԱՆՈՆՆԵՐ

- Չի խրախուսվում ամբողջովին մեծատառերով գրված հղումները,
- Մի գրեք փողոցային դարձվածքներով,
- Արգելվում է գովազդային հղումները,
- Մի գրանցեք անձնական վիրավորանքներ:

Գրառում կատարելուց հետո ստուգեք Ձեր էլ–փոստարկղը (Inbox եւ Spam) հավելյալ գործողությունների համար.

Comment



` 1 2 3 4 5 6 7 8 9 0 - = Back
TAB q w e r t y u i o p [ ] \
Caps a s d f g h j k l ; ' Enter
Shift z x c v b n m , . / Shift
Ctrl Alt   Alt Ctrl

Միացնել հայերենը

*

ՀԵՌՈՒՍՏԱԾՐԱԳՐԵՐ, Ս. ՔԻՐԵՄԻՋՅԱՆ - Aug 19, 2016 10:00 - չքննարկված

Ինչպես ընդունվեց Հայոց ցեղասպանության և ժխտման քրեականացման օրենքը Սլովակիայում :Ինչպես Հայաստանը ունեցավ Ռազմական ինքնաթիռներ:Ստեփան Քիրեմիջյանի հյուրն էր ԵՀՄՖ նախագահ Աշոտ Գրիգորյանը:

More In Ս. ՔԻՐԵՄԻՋՅԱՆ