Ս. ՔԻՐԵՄԻՋՅԱՆ - Հեղինակ՝ . Sunday, February 17, 2013 2:04 - 1 քննարկում

Դժբախտ պատահար, լի քաղաքական հետևանքներով…

Այսօր՝ փետրվարի 17-ին, կես գիշերվա 00.30 սահմաններում Երևանում դժբախտ պատահար է տեղի ունեցել, լի քաղաքական մռայլ հետևանքներով: Բաշինջաղյան 59-ի մոտ, ԳԱԶ մակնիշի ռուսական արտադրության 028 ԼՍ 61 պետհամարանիշով հայկական «Զիբիլի ավտոն», չենթարկվելով վարորդ Վաղինակ Մուրադյանի զսպող հրահանգներին, օգտվելով գիշերվա մթությունից և վկաների բացակայությունից, ինքնակամ հարձակվել է «Կոկա-Կոլա» ընկերությանը պատկանող (,Ապարանի մաֆիա) ամերիկյան «Շեվրոլե» մակնիշի 263 ԼՕ 61 ավտոմեքենայի վրա և գցել քացու տակ, ջարդելով արևմտյան քաղաքակրթության ներկայացուցչի քիթն ու մռութը, շարքից
հանելով նրա երթևեկելի մասը, այլանդակելով տեսքը, պատճառելով անվերանորոգելի մարմնական վնասվածք: Ծեծված մեքենայի վարորդ Արտակ Մելքոնյանին էլ է հասել մի քանի չափալախ, որի պատճառով այն մարմնական վնասվածքներով տեղափոխվել է «Արմենիա» բժշկական կենտրոն: Ոստիկանության քննչական գլխավոր վարչության աշխատակից Ա.Ճանճապանյանին Արտակ Մելքոնյանը ցուցմունք է տվել, ըստ որի, նա հաստատել է Վաղինակ Մուրադյանի թափած ջանքերը, ով ջանք ու եռանդ չի խնայել ռուսական արտադրության «Զիբիլի ավտոյի» հետևի ծանր անիվների քացիներից փրկելու կոկա-կոլայի պատիվն ու
արժանապատվությունը:
Ռուս- ամերիկյան հակամարտության այս դրսևորումը «Զիբիլի ավտոն» թղթակիցներին բացատրել է իր կատարած ծանր և անշնորհակալ աշխատանքից առաջացած վիրավորանքով, ուղղված արևմտյան շահերը ներկայացնող ընկերությանը և մեքենային, որոնք անմահական ջրերով հարուստ Հայաստանում ջուր ծախելով թալանում են այդ սնապարծ հարիֆ ժողովրդին: Նա նաև իր վրա է վերցրել քաղաքական պայքարից փախած ընդդիմությանը փոխարինելու պատասխանատվությունը:
«Կոկա-Կոլա» ընկերությունն այս առիթով մտադիր է հարցը քաղաքականացնել, փետրվարի 18-ը հռչակել «Արևմտյան Քաղաքակրթության Մեռելոցի Օր» և հետաձգել նախագահական ընտրությունները, ծանր շփոթ առաջացնելով ՀՀԿ-ի շարքերում: Բնակչության շրջանում այս լուրը դեղին մամուլը տարածել է որպես սոցիալական լարվածությամբ պայմանավորված բախում, որը առաջանում է աղբատարների և աղբ առաջացնողների միջև:
ՔՈՔԴ ՉՈՐԱՆԱ
Նկ. Գ.Շամշյանի:
Դժբախտ պատահար, լի քաղաքական հետևանքներով…

cock-zibila

cocacola=aghbatar



1 քննարկում

You can follow any responses to this entry through the RSS 2.0 feed. You can leave a response, or trackback from your own site.

LM
Feb 17, 2013 13:45


Fatal error: Uncaught Error: Call to undefined function mysql_query() in /home2/louyswor/public_html/wp-content/plugins/comment-rating/comment-rating.php:219 Stack trace: #0 /home2/louyswor/public_html/wp-content/plugins/comment-rating/comment-rating.php(249): ckrating_get_rating('25058') #1 /home2/louyswor/public_html/wp-content/plugins/comment-rating/comment-rating.php(380): ckrating_display_content() #2 /home2/louyswor/public_html/wp-includes/class-wp-hook.php(300): ckrating_display_filter('<p>lav exav.<...') #3 /home2/louyswor/public_html/wp-includes/plugin.php(203): WP_Hook->apply_filters('<p>lav exav.<...', Array) #4 /home2/louyswor/public_html/wp-includes/comment-template.php(995): apply_filters('comment_text', 'lav exav.', Object(WP_Comment), Array) #5 /home2/louyswor/public_html/wp-content/themes/News/comments.php(41): comment_text() #6 /home2/louyswor/public_html/wp-includes/comment-template.php(1471): require('/home2/louyswor...') #7 /home2/louyswor/public_html/wp-content/themes/News/single.php(32): comme in /home2/louyswor/public_html/wp-content/plugins/comment-rating/comment-rating.php on line 219