ՀԵՌՈՒՍՏԱԾՐԱԳՐԵՐ - Հեղինակ՝ . Tuesday, February 12, 2013 20:40 - 1 քննարկում

Չէէէէ՜է… սա, իսկապես, հազվագյուտ պատուհաս է նաև իր ընկերների գլխին…

Ասում են` ցուցակով եք ներս թողնում. բա ի՞նչ անենք. Ս. Սարգսյանը

 

Ասում են` ցուցակով եք ներս թողնում. բա ի՞նչ անենք. Ս. Սարգսյանը00:33 – 13.02.2013

Մամուլն արդեն երկար ժամանակ է գրում է, որ գործող նախագահ, նախագահի ՀՀԿ-ական թեկնածու Սերժ Սարգսյանի դահլիճային հանդիպումներին մասնակցում են ցուցակագրված մարդիկ եւ որ Սերժ Սարգսյանին ուղղվելիք հարցերն էլ նախապես պայմանավորված են լինում: Այսօր Երեւանի Նոր Նորք վարչական համայնքի բնակիչների հետ հանդիպման ժամանակ նախագահ Սերժ Սարգսյանն անդրադարձավ այդ հարցին:

 

«Մեր բարին չցանկացողները փորձում են ամեն կերպ վատաբանել այսպիսի հանդիպումները: Փորձում են փաստարկներ բերել եւ մի տեսակ տարօրինակ է, բայց մեզ մեղադրում են նրանում, որ այսպիսի հանդիպումների ժամանակ դահլիճ ենք հրավիրում մեզ համար ցանկալի մարդկանց: Մենք գիտենք, թե ում ենք հրավիրում, դրանում մեզ մեղադրում են. բա ի՞նչ անենք: Երբ հանրահավաք ենք անում, մեզ մեղադրում են, ասում են` դպրոցի տնօրենները երեխաներին են բերում, ցուրտ է, անհարմար պայմաններ են: Երբ դահլիճային հանդիպումներ ենք անցկացնում, ասում են` իրենց մարդկանց են բերում, իրենց համակիրներին, ցուցակով են ներս թողնում. բա ի՞նչ անենք: Հայտարարենք` դահլիճում հանդիպում է լինելու, բա որ հանկարծ հանդիպմանը, չգիտեմ, մեկ էլ 1500 հոգի որոշեցին գալ, բա ի՞նչ ենք անելու», – հայտարարեց Սերժ Սարգսյանը:

 

Անդրադառնալով հարցին, որ բնակիչների կողմից իրեն տրվող հարցերը փոխհամաձայնության արդյունք են, նախագահը նշեց. «Փորձում են ասել, որ իբր նախօրոք մենք պայմանավորվում ենք թե ինչ հարց են մեզ տալու: Փաստարկ են բերում, բայց ասում են կմկմալով են հարցերը տալիս: Դե լավ, որքանո՞վ է դա տրամաբանական, մի՞թե եթե մենք այպիսի գործունեությամբ ենք զբաղվում մի ամբողջ շրջանում չե՞նք կարողանում մի մարդ գտնել, որը կարողանում է առանց կմկմալու հարցերը տալ: Բայց բնական է չէ՞, որ մեր հանդիպումների ժամանակ լինում են մարդիկ, ովքեր չունեն համապատասխան կրթություն, է հետո՞, նրանք մեր քաղաքացիները չե՞ն, իրավունք չունե՞ն հարցեր տալու»:

 

Նախագահն անդրադարձավ նաեւ նախագահի թեկնածուներից մեկի այն մեղադրանքին, որ բեմ բարձրանալիս Սերժ Սարգսյանն ուրիշի գրած տեքստերն է կարդում:

 

«Կարծես թե նոր Ամերիկա է հայտնագործել մարդը, եւ նա չի հասկանում, որ լսարան հարգող ցանկացած մարդ ունի թիմ եւ այդ ելույթների վրա թիմն է աշխատում, բա ո՞վ պետք է աշխատի: Ենթադրենք, ես այսօր չորս-հինգ ելույթ ունեմ, եթե ես ինքս իմ ելույթները պետք է սկսեմ միայն գրել, էդ երբ կհասցնե՞մ այդ ելույթները գրել, հետո այդ ելույթներով հանդես գալ», – նշեց Սերժ Սարգսյանը եւ վստահեցրեց, որ ցանկացած միջին մակարդակի մարդ կարող է ժամերով խոսել առանց թղթի, «բայց թուղթ ունենալը հարգանք է լսարանի նկատմաբ, հարգանք է սեփական ժողովրդի նկատմամբ, թուղթ ունենալը նշանակում է, որ մտածված ես ելույթ ունենում»:

 

Նախագահը հայտարարեց, որ բոլոր երկրներում է այդպես, որ իրենց ելույթները նախագահներն անձամբ չեն գրում:

 

Ուշագրավ է, որ թեեւ Սերժ Սարգսյանը չհերքեց, որ իր հանդիպումներին “ընտրայլներ” են գալիս, ցուցակագրում են, բայց ՀՀԿ-ական որոշ գործիչներ եւ ՀՀԿ թեկնածուի նախընտրական շտաբն արդեն վաղուց հերքել էր, որ նման բան կա:



1 քննարկում

You can follow any responses to this entry through the RSS 2.0 feed. You can leave a response, or trackback from your own site.

ARORDUHY
Feb 12, 2013 21:04


Fatal error: Uncaught Error: Call to undefined function mysql_query() in /home2/louyswor/public_html/wp-content/plugins/comment-rating/comment-rating.php:219 Stack trace: #0 /home2/louyswor/public_html/wp-content/plugins/comment-rating/comment-rating.php(249): ckrating_get_rating('24964') #1 /home2/louyswor/public_html/wp-content/plugins/comment-rating/comment-rating.php(380): ckrating_display_content() #2 /home2/louyswor/public_html/wp-includes/class-wp-hook.php(300): ckrating_display_filter('<p>\xD4\xB1\xD5\x90\xD4\xB5\xD5\x8E\xD5\x87\xD4\xB1...') #3 /home2/louyswor/public_html/wp-includes/plugin.php(203): WP_Hook->apply_filters('<p>\xD4\xB1\xD5\x90\xD4\xB5\xD5\x8E\xD5\x87\xD4\xB1...', Array) #4 /home2/louyswor/public_html/wp-includes/comment-template.php(995): apply_filters('comment_text', '\xD4\xB1\xD5\x90\xD4\xB5\xD5\x8E\xD5\x87\xD4\xB1\xD5\x8F\xD5...', Object(WP_Comment), Array) #5 /home2/louyswor/public_html/wp-content/themes/News/comments.php(41): comment_text() #6 /home2/louyswor/public_html/wp-includes/comment-t in /home2/louyswor/public_html/wp-content/plugins/comment-rating/comment-rating.php on line 219