Ս. ՔԻՐԵՄԻՋՅԱՆ - Հեղինակ՝ . Wednesday, February 6, 2013 10:20 - 4 քննարկում

Ենգիբարյանը մնաց Հայրիկյանի “ստվերում”, իսկ Աբաջյանը՝ «Դեդ Հասան»-ի:

19:19 – 04.02.2013
Օրեր առաջ ռուսաստանյան հեռուստաալիքներից մեկով տեսա լեգենդար բռնցքամարտիկ, օլիմպիական չեմպիոն Վլադիմիր Ենգիբարյանի մահվան մասին ռեպորտաժ: Հետաքրքությունս ստիպեց հետևել հայկական հեռուստաալիքներին: Նպատակս մեկն էր՝ համեմատությունը:

Սկսվեց լուրերի հերթական թողարկումը: Գլխավոր թեմա՝ Պարույր Հայրիկյանի մահափորձի նոր մանրամասներ, հաջորդիվ՝ Հայրիկյանին այցելեց սա, նա, մյուսը… Հայրիկյանը ինքնուրույն քայլեց: Հայրիկյանը խոսեց հավաքվածների հետ… Այդ ամենը՝ առանձին ռեպորտաժներով, ամբողջ օրվա ընթացում պտտվում էր էկրաններին:

«Դե, երեևի մարզական բաժնում ցույց կտան»,- համոզում էի ինքս ինձ, որ ամեն ինչ կորած չէ:

Մեկ մարզական հաղորդագրություն. «2013թ. փետրվարի 1-ի առավոտյան Լոս Անջելեսում 81 տարեկանում մահացել է Մելբուրնի Օլիմպիական խաղերի չեմպիոն, Եվրոպայի եռակի եւ ԽՍՀՄ բազմակի չեմպիոն Վլադիմիր Նիկոլայի Ենգիբարյանը: Լեգենդար բռնցքամարտիկը ծնվել էր 1932թ. ապրիլի 24-ին Երեւանում: 1959թ. հիմնադրել է Երեւանի պատանի բռնցքամարտիկների հանրապետական դպրոցը, որի անփոփոխ տնօրենն էր մինչեւ 1995-ը, երբ բնակության տեղափոխվեց ԱՄՆ:
Վլադիմիր Ենգիբարյանը արժանացել է ԽՍՀՄ սպորտի վաստակավոր վարպետի կոչման, մարզաձեւի միջազգային ֆեդերացիայի անդամի, ԽՍՀՄ Աշխատանքային կարմիր դրոշի շքանշանի, ՀՀ վաստակավոր մարզչի եւ վաստակավոր գործչի, ՀԱՕԿ-ի ոսկե շքանշանի»:

Այդ ինչպե՞ս եղավ, որ Պարույր Հայրիկյանի այցելուներին ներկա-բացակա անելն ավելի կարևոր է, քան օլիմպիական չեմպիոնի մասին ռեպորտաժ պատրաստելը: Ի՞նչ է սա՝ անտարբերություն, անուշադրություն, արժանին գնահատելու ունակության բացակայություն, թե՞ պարզապես վատ հեռուստատեսություն:

Նույնն էլ եղավ Հայաստանի վաստակավոր արտիստ, ասմունքող, դերասան Վլադիմիր Աբաջյանի մահվան լուրի հետ: ԶԼՄ-ները և հեռուստատեսությունը այդ ժամանակ ողողված էին քրեական հեղինակություն Դեդ Հասանի մահվան լուրերով՝ «Սպանվեց Դեդ Հասանը», «Ով էր պատվիրել Հասանի մահը», «Ով կլինի գահին Դեդից հետո», «Ինչ կլինի քրեական աշխարհի հետ» և նմանատիպ տասնյակ հոդվածներ և ռեպորտաժներ, անգամ` հատուկ թողարկումներ, հետաքննություններ: Աբաջյանի մասին խոսվեց` չխոսվելու չափ:

Ասում են` ինֆորմացիան «կերակուր» է, եթե այդպես է, ուրեմն մեր երկրում մարդիկ վաղուց տառապում են «ստամոքսի խանգարումից»: Այս ամենի ելքն էլ նման է Մալևիչի հանրահայտ «Սև քառակուսու» սպիտակ կետին, որը գտնելն այնքան դժվար է, որքան դժվար է ընկալել նկարի միտքը:

Շուշանիկ Հակոբյան
Մոսկվա



4 քննարկումներ

You can follow any responses to this entry through the RSS 2.0 feed. You can leave a response, or trackback from your own site.

С.С.
Feb 6, 2013 11:03


Fatal error: Uncaught Error: Call to undefined function mysql_query() in /home2/louyswor/public_html/wp-content/plugins/comment-rating/comment-rating.php:219 Stack trace: #0 /home2/louyswor/public_html/wp-content/plugins/comment-rating/comment-rating.php(249): ckrating_get_rating('24827') #1 /home2/louyswor/public_html/wp-content/plugins/comment-rating/comment-rating.php(380): ckrating_display_content() #2 /home2/louyswor/public_html/wp-includes/class-wp-hook.php(300): ckrating_display_filter('<p>\xD0\x90\xD1\x80\xD0\xBC\xD0\xB5\xD0\xBD\xD0\xB8...') #3 /home2/louyswor/public_html/wp-includes/plugin.php(203): WP_Hook->apply_filters('<p>\xD0\x90\xD1\x80\xD0\xBC\xD0\xB5\xD0\xBD\xD0\xB8...', Array) #4 /home2/louyswor/public_html/wp-includes/comment-template.php(995): apply_filters('comment_text', '\xD0\x90\xD1\x80\xD0\xBC\xD0\xB5\xD0\xBD\xD0\xB8\xD1\x8F ...', Object(WP_Comment), Array) #5 /home2/louyswor/public_html/wp-content/themes/News/comments.php(41): comment_text() #6 /home2/louyswor/public_html/wp-includes/comment-temp in /home2/louyswor/public_html/wp-content/plugins/comment-rating/comment-rating.php on line 219