ՀԵՌՈՒՍՏԱԾՐԱԳՐԵՐ - Հեղինակ՝ . Monday, January 21, 2013 3:12 - 1 քննարկում

Դժբախտ դեպք Արամ Խաչատրյանի անվան համերգասրահում…

Ռիտա Սարգսյանի ստեղծագործությունը թողել էին անակնկալ:

Ռիտա Սարգսյանի ստեղծագործությունը թողել էին անակնկալ

«Երեկ հիմնական ծրագրի վերջում հնչել է Ռիտա Սարգսյանի «Նվիրում տանգոյին» ստեղծագործությունը՝ որպես անակնկալ, այդ իսկ պատճառով նախապես չի հայտարարվել»: Այսպես մեկնաբանեց Հայաստանի պետական երիտասարդական նվագախմբի մամուլի պատասխանատու Մարիաննա Գալստյանն այն փաստը, որ երեկ Արամ Խաչատրյանի անվան համերգասրահում, Հայաստանի պետական երիտասարդական նվագախմբի հետ համատեղ՝ կայացել է իտալացի աշխարահռչակ բանդոնեոնահար, ակորդեոնահար Մարիո Ստեֆանո Պիետրոդարկիի համերգը, որից հետո հնչել է Ռիտա Սարգսյանի «Նվիրում տանգոյին» ստեղծագործությունը, որը, սակայն, նախապես ծրագրում չի եղել ու չի հայտարարվել:

Մամուլի պատասխանատուի խոսքով՝ երբ Մարիո Ստեֆանո Պիետրոդարկին և երիտասարդական նվագախմբի ղեկավար Սերգեյ Սմբատյանը միասին ծրագիր էին ընտրում, Սմբատյանը Մարիո Ստեֆանո Պիետրոդարկիի դատին է ներկայացրել Ռիտա Սարգսյանի ստեղծագործությունը:

«Իտալացի բանդոնեոնահարը շատ է հավանել այդ ստեղծագործությունը, որից հետո նրանք միասին որոշել են, որ այն պետք է հնչի: Ստեղծագործությունը գործիքավորվել է և կատարվել»,- մեկնաբանեց Մարիաննա Գալստյանը:

Ականատեսների վկայությամբ, սակայն, երբ հայտարարվել է Ռիտա Սարգսյանի ստեղծագործությունը, դահլիճում նախ փռթկոցներ են լսվել, ապա հանդիսատեսները զարմացած հայացքներ են փոխանակել, հետո բացարձակ լռություն է տիրել,  և այդ լռության մեջ Պիետրոդարկին և նվագախումբը սկսել են նվագել Ռիտա Սարգսյանի գլուխգործոցը:

Ըստ ականատեսի՝ ստեղծագործության կատարման ընթացքում արդեն շատերն էին ոչ միայն տարակուսական հայացքներ փոխանակում, այլև քննարկում էին, թե սա ի՞նչ էր: Իսկ երբ ստեղծագործությունն ավարտվել է, դահլիճն ակնհայտ սարկազմով սկսել է գոռալ «բռավո», այն դեպքում, երբ նույնիսկ Պիացցոլլայի ստեղծագործությունների ժամանակ «բռավո» չէր գոռացել:

Ռիտա Սարգսյանի ստեղծագործության կատարումից հետո դահլիճի աուրան միանգամից փոխվել է, նախորդ ստեղծագործությունների ազդեցությունից բան չի մնացել, ու թեեւ համերգն արդեն ավարտված էր, սակայն, թերեւս զգալով հանդիսատեսի տրամադրությունը` երաժիշտները որոշել են համերգը շարունակել ևս 40 րոպե:

Համերգի երկարաձգման փաստը Մարիաննա  Գալստյանը մեկնաբանում է նրանով, որ երաժիշտները  հիմնական ծրագրից հետո որոշել են համերգը շարունակել՝ տեղի տալով բուռն ծափահարություններին, և համերգի հիմնական ծրագրից դուրս ևս 5 ստեղծագործություն են կատարել:



1 քննարկում

You can follow any responses to this entry through the RSS 2.0 feed. You can leave a response, or trackback from your own site.

grigori
Jan 21, 2013 23:15


Fatal error: Uncaught Error: Call to undefined function mysql_query() in /home2/louyswor/public_html/wp-content/plugins/comment-rating/comment-rating.php:219 Stack trace: #0 /home2/louyswor/public_html/wp-content/plugins/comment-rating/comment-rating.php(249): ckrating_get_rating('24601') #1 /home2/louyswor/public_html/wp-content/plugins/comment-rating/comment-rating.php(380): ckrating_display_content() #2 /home2/louyswor/public_html/wp-includes/class-wp-hook.php(300): ckrating_display_filter('<p>\xD5\xBB\xD5\xBC\xD6\x82\xD5\xBF\xD5\xB8\xD5\xBE...') #3 /home2/louyswor/public_html/wp-includes/plugin.php(203): WP_Hook->apply_filters('<p>\xD5\xBB\xD5\xBC\xD6\x82\xD5\xBF\xD5\xB8\xD5\xBE...', Array) #4 /home2/louyswor/public_html/wp-includes/comment-template.php(995): apply_filters('comment_text', '\xD5\xBB\xD5\xBC\xD6\x82\xD5\xBF\xD5\xB8\xD5\xBE \xD5\xAD...', Object(WP_Comment), Array) #5 /home2/louyswor/public_html/wp-content/themes/News/comments.php(41): comment_text() #6 /home2/louyswor/public_html/wp-includes/comment-temp in /home2/louyswor/public_html/wp-content/plugins/comment-rating/comment-rating.php on line 219