ԼՐԱՀՈՍ - Հեղինակ՝ . Tuesday, September 4, 2012 3:39 - 3 քննարկում

ՀԱՅՏԱՐԱՐՈՒԹՅՈՒՆ.Ռամիլ Սաֆարովի արտահանձնումի և ներման վերաբերյալ

Հենց նոր Հայաստանի Հանրապետության երկրորդ նախագահի գրասենյակից ստացանք Ռոբերտ Քոչարյանի հայտարարությունը այս օրերի ամենաաղմկահարույց, միևնույն ժամանակ ամենաքստմնելի իրադարձության` Հունգարիայի իշխանությունների կողմից Ռամիլ Սաֆարովի արտահանձնումի և Ադրբեջանի նախագահի կողմից մարդասպանին ներում շնորհելու մասին: Ներկայացնում ենք այն ամբողջությամբ:

***

Հայտարարություն

Ռամիլ Սաֆարովի արտահանձնումի և ներման վերաբերյալ

Ադրբեջանի իշխանությունների գործողությունները զարմանք չեն առաջացնում: Սա այդ երկրում վաղուց փայփայվող հայատյացության չկշռադատված դրսևորում է: Հիշենք Սումգայիթը, հայերի ջարդերը Բաքվում և “շահիդների պուրակը”, որը հավերժացնում է ջարդարարների հիշատակը:

Սրանում համոզվածությունն է ժամանակին ձևավորել ղարաբաղյան հակամարտության կարգավորման գործընթացում հայկական կողմի անփոփոխ դիրքորոշումը` որևէ ձևով Ադրբեջանի կազմում ԼՂՀ գոյության անհնարինությունը:

Ադրբեջանում այնպիսի ատելությամբ են լցված հայերի նկատմամբ, որ մոռացել են բարոյականության սահմանների մասին: Մարդասպանին ներում շնորհելու հրամանագիրը ղարաբաղցիների` Անկախություն ունենալու բոլոր հիմնավորումների լավագույն ապացույցն է:

Ի դեպ, եթե հունգարական կողմի արձագանքից պարզվի, որ Ադրբեջանն իրոք խաբել է պաշտոնական Բուդապեշտին և հանցավոր համաձայնություն չի եղել, ապա հունգարացիների ամենաարժանի պատասխանը կարող է լինել Լեռնային Ղարաբաղի Հանրապետության ճանաչումը:

ՀՀ պաշտոնաթող Նախագահ Ռոբերտ Քոչարյանի գրասենյակ

Երևան, 04 սեպտեմբերի 2012թ.



3 քննարկումներ

You can follow any responses to this entry through the RSS 2.0 feed. You can leave a response, or trackback from your own site.

Hrayr
Sep 4, 2012 4:29


Fatal error: Uncaught Error: Call to undefined function mysql_query() in /home2/louyswor/public_html/wp-content/plugins/comment-rating/comment-rating.php:219 Stack trace: #0 /home2/louyswor/public_html/wp-content/plugins/comment-rating/comment-rating.php(249): ckrating_get_rating('22009') #1 /home2/louyswor/public_html/wp-content/plugins/comment-rating/comment-rating.php(380): ckrating_display_content() #2 /home2/louyswor/public_html/wp-includes/class-wp-hook.php(300): ckrating_display_filter('<p>\xD5\x80\xD5\xA1\xD5\xB5\xD5\xBF\xD5\xA1\xD6\x80...') #3 /home2/louyswor/public_html/wp-includes/plugin.php(203): WP_Hook->apply_filters('<p>\xD5\x80\xD5\xA1\xD5\xB5\xD5\xBF\xD5\xA1\xD6\x80...', Array) #4 /home2/louyswor/public_html/wp-includes/comment-template.php(995): apply_filters('comment_text', '\xD5\x80\xD5\xA1\xD5\xB5\xD5\xBF\xD5\xA1\xD6\x80\xD5\xA1\xD6...', Object(WP_Comment), Array) #5 /home2/louyswor/public_html/wp-content/themes/News/comments.php(41): comment_text() #6 /home2/louyswor/public_html/wp-includes/comment-t in /home2/louyswor/public_html/wp-content/plugins/comment-rating/comment-rating.php on line 219