ԼՐԱՀՈՍ - Հեղինակ՝ . Friday, July 13, 2012 13:12 - 1 քննարկում

Արմինե Օհանյանի այս թղթակցությունից հետո, Ադրբեջանը խոստացավ «Բջնի» և «Նոյ» ջրերի փոխարեն Հայաստան առաքել շշալցված ադրբեջանական արտեզյան ջրեր…

Բոյկոտ

ՀԵՂԻՆԱԿ՝ ԱՐՄԻՆԵ ՕՀԱՆՅԱՆ
12/07/2012 | ԼՐԱՀՈՍՀԱՅԱՍՏԱՆՈՒՄ

Երեկ երեւանյան սրճարաններից մեկում ականատես եղա մի տեսարանի, որն ուզում եմ պատմել մեր ընթերցողին: Կողքի սեղանին նստած զույգը ջուր պատվիրեց՝ մաքուր ջուր, առանց գազի: Մատուցողը սկսեց թվարկել ջրերի անունները: Երբ հերթը հասավ «Նոյին», երիտասարդ տղամարդը վրդովված սկսեց հանդիմանել մատուցողին. «Դուք չգիտե՞ք էս երկրում ինչ է կատարվում: Դուք չգիտե՞ք, որ մենք այդ մարդասպանին ու նրա արտադրած ամեն ինչը բոյկոտում ենք: Գնացեք-ասեք ձեր տերերին, որ այլեւս ձեր սրճարանը ոտք չենք դնի, եթե «Նոյ» եք բերելու: Դուք էլ միացեք մեր բոյկոտին՝ մի վերցրեք այդ ջրերը: Դա հասարակության պահանջն է՝ մենք պետք է սնանկացնենք այդ մարդուն, պետք է պատժենք նրան»:

Այս բոցաշունչ ճառից շփոթահար մատուցողը չգիտեր ինչպես պահեր իրեն: Նկատելի էր, որ ճառի հեղինակը նրանց մշտական հաճախորդն է, եւ նրան կորցնել չեն ուզում: Բայց դե «Բջնին» ու «Նոյն» էլ պահանջարկ ունեն՝ դրանից էլ չեն ուզում հրաժարվել: Բախվել էին տնտեսական շահն ու քաղաքական հայացքները:

Ես կողքից ուրախանում էի, որ մեր հասարակությունն այդքան հասունացել է, որ կարող է բոյկոտ հայտարարել որեւէ ապրանքանիշի եւ, քաղաքական սկզբունքներից ելնելով, հասնել դրա սպառման ծավալների նվազմանը: Հետո տեղեկացա, որ նման ակցիաներ այս օրերին տեղի են ունենում գրեթե բոլոր սրճարան-ռեստորաններում եւ խանութներում: Մյուս կողմից հասկանալի է, որ «ջրերն» այստեղ մեղք չունեն, եւ դրանց բոյկոտով հարց չի լուծվելու:

Բայց մեր հասարակությունն ինչ-որ ճանապարհ է անցնում, որի տարբեր փուլերում տարբեր խնդիրներ ու դրսեւորումներ են ի հայտ գալիս: Մեկն էլ այս բոյկոտի ու հասարակական վրդովմունքն այսպիսի ակցիաներով արտահայտելու ճանապարհն է: Կարեւորը, որ ճանապարհի վերջում լույս ծագի:



1 քննարկում

You can follow any responses to this entry through the RSS 2.0 feed. You can leave a response, or trackback from your own site.

ԿԱՐԵՆ-ԱՆԴՈԿ
Jul 15, 2012 1:47


Fatal error: Uncaught Error: Call to undefined function mysql_query() in /home2/louyswor/public_html/wp-content/plugins/comment-rating/comment-rating.php:219 Stack trace: #0 /home2/louyswor/public_html/wp-content/plugins/comment-rating/comment-rating.php(249): ckrating_get_rating('20991') #1 /home2/louyswor/public_html/wp-content/plugins/comment-rating/comment-rating.php(380): ckrating_display_content() #2 /home2/louyswor/public_html/wp-includes/class-wp-hook.php(300): ckrating_display_filter('<p>\xD5\x8F\xD5\xAB\xD6\x80\xD5\xB8\xD5\xB2 \xD5...') #3 /home2/louyswor/public_html/wp-includes/plugin.php(203): WP_Hook->apply_filters('<p>\xD5\x8F\xD5\xAB\xD6\x80\xD5\xB8\xD5\xB2 \xD5...', Array) #4 /home2/louyswor/public_html/wp-includes/comment-template.php(995): apply_filters('comment_text', '\xD5\x8F\xD5\xAB\xD6\x80\xD5\xB8\xD5\xB2 \xD5\xAB\xD6\x80...', Object(WP_Comment), Array) #5 /home2/louyswor/public_html/wp-content/themes/News/comments.php(41): comment_text() #6 /home2/louyswor/public_html/wp-includes/comment-template.p in /home2/louyswor/public_html/wp-content/plugins/comment-rating/comment-rating.php on line 219