ԲՀԿ-ն դարձավ ընդիմություն, իսկ որպես ընդիմություն հանդես գալու փորձառություն կուսակցությունը չունի:Ահա այստեղ է առաջանում հարցերի հարցը `ինչ որակի ընդիմություն կլինի ԲՀԿ-ն, իսկ դա կախված է առաջիկա նախագահական ընտրությունների հետ:
Հավանական տարբերակներից մեկն այն է, որ կուսակցությունը հանդես կգա “կառուցողական” ընդիմության կերպարով և կպաշտպանի գործող նախագահի թեկնածությունը `դրա դիմաց ստանալով մի քանի նախարարական պորտֆել և կոմպրոմիսային ՀՀԿ-ական վարչապետ: Այս սցենարի դեպքում ԲՀԿ-ն կկորցնի հասարակական աջակցությունը`վերածվելով ՕԵԿ-ի:
Մյուս հնարավոր տարբերակը այն է, որ ԲՀԿ-ն հանդես կգա ընդիմության կերպարով , կառաջադրի նախագահի սեփական չանցողիկ թեկնածու Վարդան Օսկանյանին ( Ծառուկյանի առաջադրումը բացառվում է մի շարք պատճառներով) `դրանով հանդերձ ապահովելով Սերժ Սարգսյանի հաղթանակը: Փոխարենը նախագահական ընտրություննեից հետո Օսկանյանը կդառնա վարչապետ և կձևավորվի Ազգային համաձայնության կառավարություն, որին կմիանա նաև ՀՅԴ-ն:
Երրորդ հնարավոր տարբերակը այն է, որ նախագահական ընտրություններում հանդես կգա նաև Ռոբերտ Քոչարյանը և ԲՀԿ-ն , ինչպես նաև այլ կուսակցություններ , կպաշտպանեն Քոչարյանի թեկնածությունը, այս դեպքում իշխանության ճնշումները ԲՀԿ-ի վրա կլինեն առավելագույնը:

ԵՎ վերջապես մյուս տարբերակը այն է, որ Քոչարյանը կստանձնի վարչապետի պաշտոնը , ԲՀԿ-ն կկանգնի ամուր դիրքերի վրա`անկախ նրանից կունենա սեփական նախագահի թեկնածու, թե ոչ, քանի որ այս դեպքում որպես ՀՀԿ-ին հակակշիռ ԲՀԿ-Քոչարյան շահերն համընկնում են:
Մոտակա տասնօրյակում արդեն կուրվագծվի առավել  հնարավոր սցենարը:
Բ.Հ.Ք.Վ.