Ս. ՔԻՐԵՄԻՋՅԱՆ - Հեղինակ՝ . Wednesday, September 28, 2011 19:08 - 1 քննարկում

Իրեն հարգող ցանկացած բռնակալ բանտերում «զապաս» բանտարկյալ պիտի պահի…

«Գողական հեղափոխություն» կամ` Ոստիկանության «պերեստրոյկան»

Posted on 24.09.2011 by Աննա Եղիազարյան

Վերջին մի քանի ամսում Հայաստանը «ցնցության» մեջ է. գրեթե ամեն շաբաթ ոստիկանության հետ կապված մի ցնցող իրադարձություն է տեղի ունենում` նախ ձերբակալվեց  ՀՀ ոստիկանության քրեական հետախուզության գլխավոր վարչության պետ Հովհաննես Թամամյանը, ապա` Մարգար Օհանյանը` Ճանապարհային ոստիկանության ծառայության պետը: Այսօր էլ` ՀՀ ոստիկանության ձեռնարկած օպերատիվ գործողությունների շնորհիվ վնասազերծվեց զինված հանցախումբ, որը կասկածվում է ներկա եւ նախկին պաշտոնյաների տների վրա ավազակային հարձակում կատարելու եւ թալանելու մեջ:

Ի՞նչ է սա նշաակում. ոստիկանական համակարգի բարեփոխո՞ւմ, «կոսմետիկ պերեստրոյկա՞», թե՞ «գողական հեղափոխության» ձախողված փորձ:Եթե խոսքը ոստիկանական համակարգի բարեփոխումների մասին է, ապա հարց`  ինչո՞ւ հենց հիմա: Միթե մինչ այդ  ոչ-ոք տեղյակ չէր, թե տարիներ շարունակ բենզինն ով է «տակով անում», «ով ում է սպանում» կամ` քանի պաշտոնյա է իր «դիրքերը չարաշահում»: Պարզից էլ պարզ է` լավ էլ տեղյակ են եղել: Միաժամանակ, չի կարելի պնդել, թե սա ընդամենը «կոսմետիկ պերեստրոյկա» է. ի վերջո այս խաղում ներգրավված մարդիկ «լուրջ դեմքեր» կամ դրանց որդիներ են:

«Գողական հեղափոխության» ձախողված փո՞րձ: Այս տարբերակը ավելի հավանական է` հատկապես զինված հանցավոր խմբի այսօրվա վնասազերծումից հետո: Պարզաբանենք:

1917 թ.-ին Ռուսաստանի ժամանակավոր կառավարության առաջին եւ վերջին վարչապետ Ալեքսանդր Կերենսկին, գալով իշխանության, ընդհանուր համաներում հայտարարեց: Իհարկե, նրա նպատակը Նիկոլայ Երկրորդի կառավարման տարիներին ձերբակալված քաղբանտարկյալների ազատ արձակումն էր, սակայն քաղբանտարկյալների հետ ազատություն ստացավ ողջ հանցագործ աշխարհը: Արդյունքում` այդ նույն «հանցագործ աշխարհը», իր քրեական հեղինակությունն ու կապերը օգտագործելով,  հեղափոխություն կատարեց:

Գրեթե նույն սցենարը կրկնվեց Գորբոչովի ժամանակ, մի տարբերությամբ` քրեկան աշխարհն ամեն ինչ արեց, բայց «հեղափոխության» չհասավ:

Կերենսկու եւ Գորբոչովի քաղաքական գիծը տարավ նաեւ նախագահ Սերժ Սարգսյանը, երբ մի քանի քաղբանտարկյալի ազատելու համար համաներում հայտարարեց: Արդյունքում` Երեւանում կտրուկ բարձրացավ հանցագործությունների թիվն ու մասշտաբը` հասնելով ընդհուպ մինչեւ որոշ պատգամավորների բնակարաններ: Ինչպես ասում են` մինչեւ դանակը չհասավ ոսկորին, սայլը տեղից չշարժվեց. որոշ «մանր-մունր» մեղադրանքներով ոմանք ազատվեցին իրենց պաշտոններից ու ձերբակալվեցին, որոշներն էլ դարձան  այսօրվա վնասազերծման «զոհերը»` բառիս ուղիղ իմաստով: Բացառված չէ, որ մոտ օրերս Հայաստանը եւս մեկ անգամ «ցնցվի» հերթական «գողական հեղափոխության» ձախողված փորձի լուրից:

Աննա Եղիազարյան



1 քննարկում

You can follow any responses to this entry through the RSS 2.0 feed. You can leave a response, or trackback from your own site.

Համո
Sep 29, 2011 1:51


Fatal error: Uncaught Error: Call to undefined function mysql_query() in /home2/louyswor/public_html/wp-content/plugins/comment-rating/comment-rating.php:219 Stack trace: #0 /home2/louyswor/public_html/wp-content/plugins/comment-rating/comment-rating.php(249): ckrating_get_rating('15629') #1 /home2/louyswor/public_html/wp-content/plugins/comment-rating/comment-rating.php(380): ckrating_display_content() #2 /home2/louyswor/public_html/wp-includes/class-wp-hook.php(300): ckrating_display_filter('<p>\xD5\x8A\xD5\x88\xD5\x92\xD5\x91\xD4\xB8 \xD5...') #3 /home2/louyswor/public_html/wp-includes/plugin.php(203): WP_Hook->apply_filters('<p>\xD5\x8A\xD5\x88\xD5\x92\xD5\x91\xD4\xB8 \xD5...', Array) #4 /home2/louyswor/public_html/wp-includes/comment-template.php(995): apply_filters('comment_text', '\xD5\x8A\xD5\x88\xD5\x92\xD5\x91\xD4\xB8 \xD5\x94\xD5\x88...', Object(WP_Comment), Array) #5 /home2/louyswor/public_html/wp-content/themes/News/comments.php(41): comment_text() #6 /home2/louyswor/public_html/wp-includes/comment-template.p in /home2/louyswor/public_html/wp-content/plugins/comment-rating/comment-rating.php on line 219