ԿԱՆԹԵՂ ԳՐԱԿԱՆ - Հեղինակ՝ . Tuesday, May 24, 2016 21:43 - չքննարկված

ԿԱՆԹԵՂ ԳՐԱԿԱՆ: ՔՐԻՍՏԻՆԷ ՀՈՎՍԵՓՅԱՆ

14805368_1766116693638159_711716558_nՔՐԻՍՏԻՆԷ ՀՈՎՍԵՓՅԱՆ

ԵՍ ԴՈՒՍՏՐՆ ԵՄ…
Գարունս՝
Քո թիկունքն է գրկում,
Անձրևս՝
Համբուրում է պարանոցդ…
Ծաղիկներս-բացվել
Ու ծաղկել են ծառերն իմ՝ սրտիդ մեջ…

Բայց…
Դու գնում ես դարձյալ,
Ճամփեքով մութ ու ամայի…
Ու դողում է գարունս
Ոտքերիդ տակ…

Հիմա
Ես էլ եմ ցուրտ
Անկախ Հայաստանի պես.
-Ես դուստրն եմ քո
Ու մեր բախտերը
Նման են իրար…

***
Նորից
Կյանքը չոր գինու պես
Գլխիս է խփում,
Ու գտածիս մեջ
Փնտրում եմ կորցրածս…

Փնտրում՝
Չեմ գտնում…
Կյանքը կապել եմ
Ոչնչով.

Այս գիշերն էլ կորավ
Քո միջով…

***
Լափի՛ր քո ապագան.
Ետ տուր քո՛ անցյալը…
Զղջա՛, ողբա՛, մեռի՛ր
Հենց սա՛ է քո կյանքը:

Տանջվի՛ր, ապրի՛ր, մեռի՛ր,
Խեղդի՛ր, խեղդվի՛ր քո մեջ,
«Զի բազումք են կոչեցեալք,
Եվ սակավք են ընտրեալք»:

***
Մի օր վստահ եմ,
Կգտնեմ այն վայրը,
Ուր դու ներկա ես…
Վաղուց հոգնել եմ, Հա՜յր,
Հորինած իմ կապույտից…

Մի օր կգտնեմ,
Կգամ դողաքայլ,
Թափանցիկ դեմքով,
Ու միայն Դու ինձ կճանաչես…
Մի օր կգամ, Հա՜յր…
Այդտեղ կապույտը
Հորինովի չէ…
Մեր կապույտը, Հա՜յր…



Այս թեմայի շուրջ տարվող Քննարկումները ժամանակավորապես կասեցված են.

ՀԵՌՈՒՍՏԱԾՐԱԳՐԵՐ, Ս. ՔԻՐԵՄԻՋՅԱՆ - Aug 19, 2016 10:00 - չքննարկված

Ինչպես ընդունվեց Հայոց ցեղասպանության և ժխտման քրեականացման օրենքը Սլովակիայում :Ինչպես Հայաստանը ունեցավ Ռազմական ինքնաթիռներ:Ստեփան Քիրեմիջյանի հյուրն էր ԵՀՄՖ նախագահ Աշոտ Գրիգորյանը:

More In Ս. ՔԻՐԵՄԻՋՅԱՆ


More In


ԷԿՈՆՈՄԻԿԱ - Jun 18, 2016 10:07 - 1 քննարկում

տեղեկատվական տեխնոլոգիաների ձեռնարկությունների տնօրեն՝ Կարեն Վարդանյանը և տնտեսագիտության դոկտոր՝ Կարեն Ադոնցը:Մագնիս – Magnis 14.06.2016

More In ԷԿՈՆՈՄԻԿԱ