ԿԱՆԹԵՂ ԳՐԱԿԱՆ - Հեղինակ՝ Admin. Tuesday, February 2, 2016 6:31 - չքննարկված
Կանթեղ Գրական: ՄԱՐԳԱՐԻՏԱ ՄԳ
ՄԱՐԳԱՐԻՏԱ ՄԳ
**
Գալիս եմ քեզ մոտ
Որպես վերադարձ
Որպես կարոտի
Անսփոփ ուշացում:
Բաց արա գիրկդ
Ու ընդունիր ինձ
Որպես սպասումի
Կարոտած ձեռքեր:
Գալիս եմ քեզ մոտ
Որպես լուսաբաց
Որպես արևի
Շոյող անդրադարձ:
Վերադարձրու ինձ քեզ
Որպես կարոտի լուսավոր թևեր
Մեկտեղվիր իմ մեջ
Որպես արևի կրակոտ շողեր…
Վերադարձրու ինձ քեզ…
Մարգարիտա ՄԳ
**
Երբ գինին դառնա
Կաթիլ շուրթերին
Ու քաղցրանա
Շուրթից ավելի,
Երբ ձեռքդ հպվի
Կաթող համբույրին
Ու դառնա շոյանք
Գինուց առավել…
Կխենթանա
Գիշերը մութ
Ու կհամրանա
Գինին լուռ…
Երբ կշիկնի
Գիշերն անլուռ
Ու կդողա
Թափված գինին …
Կխենթանան գիշեր, գինի
Ու կպարի հարբած մի դող
Ու կպարի արբած մի բույր
Կխենթանան գիշեր, գինի…
Մարգարիտա ՄԳ
**