ՄԱՐԻՆԵ ՄԱՆՈՒԿՅԱՆ

**
Դու…
Ծովի կապույտը,
Սպիտակ առագաստը,
Շոշափելի Սպասումս,
Կարոտիս հոտը,
Սրտիդ թիկ-թակն,
Ու բազկիդ ուժը,
Հանդիպման համը,
Միության թրթիռն,
Ու սառած Օդը…
Մ. Մ.

**

Մաշկդ նուրբ է մետաքսի նման,
Բառերդ հնչում են մեղեդու նման,
Ներկայությունդ լցնում է…
Դատարկությունը լցվում է,
Երկուսս էլ լիքն ենք,
Աչքերիդ խորքում,
Տեսնում եմ Ինձ,
Եվ զարմանում,
Թե ինչպե՞ս է, որ…
Քեզանով և
Քո խորությամբ եմ,
Զգում ինձ և
Իմ խորությունը:

Մ. Մ.

**

Ամեն անգամ,
Երբ փակվում եմ,
Քեզ եմ հիշում,
Պահ քո կողքին,
Պահ քո գրկում,
Քո մատների նուրբ հպումը,
Եվ առնական բազկի ուժը,
Ինձ մղում էին դեպի երկինք,
Պարգևելով բազում ամպեր,
Ամպի թևին թևածելով,
Թևածում էր նաև հոգիս,
Երազն անցավ,
Ես արթնացա,
Ու սենյակիս մթնում հիմա
Մենք ենք հիմա
Իրար փարված:

Մ. Մ.
**
Սիրտս թրթռում է,
Երբ մոտենում ես ինձ,
Ու ասում…
Փոքրիկ~
Գոռալով ասում,
Ես եկա Փոքրիկ~
Գրկիր ինձ Փոքրիկ,
Գրկեմ քեզ Փոքրիկ,
Դու իմ Փոքրիկն ես
Ինձ պարգևված Փոքրիկ,
Պարգևիր ինձ Փոքրիկ:
Մ. Մ.