Թուրքական բանակում պարտադիր զինվորական ծառայություն կատարելիս կասկածելի հանգամանքներում մահացած երիտասարդների ընտանիքների պատվիրակությունն այցելել է Թուրքիայի ԶՈՒ գլխավոր շտաբ և հանդիպել պատասխանատուների հետ:
Ընտանիքները հանդիպումից հետո խորհրդարանի (մեջլիս) դիմաց հայտարարությամբ են հանդես եկել:
Ընտանիքներին աջակցելու նպատակով վերջիններիս են միացել Ժողովուրդների դեմոկրատական կուսակցության Կարսից ընտրված պատգամավոր Մուլքիյե Բիրթանեն և Մարդու իրավունքների միության գլխամասային գրասենյակի ղեկավար Իսմաիլ Բոյրազը:
Զոհված երիտասարդներից մեկի հայրը ելույթում նշել է, որ կասկածելի մահերը շարունակվում են թուրքական բանակում:
Պատգամավոր Բիրթանեն էլ նշելով, որ իշխող Արդարություն և զարգացում կուսակցության ղեկավարման շրջանում թուրքական բանակում 983 կասկածելի մահվան դեպք է արձանագրվել, ասել է. «Մահանում են հատկապես հայ, քուրդ և ալևի երիտասարդները: Անընդունելի են պետության պաշտպանության ներքո գտնվող երիտասարդների այդօրինակ մահվան դեպքերը: Բոլոր պատասխանատուները պետք է անհապաղ պատժվեն»:
http://ermenihaber.am/?lang_id=2&news_=7&cur_news=1653