ԼՐԱՀՈՍ - Հեղինակ՝ Admin. Friday, June 6, 2014 21:32 - չքննարկված
Պուտինը ֆրանսիացի լրագրողի աչքերով` նախագահ, ով իրեն արքայավայել էր պահում
Ֆրանսիական լրագրության պատրիարք, լրագրող Ժան Պիեր Էլկաբաշը հիացած է ՌԴ նախագահ Վլադիմիր Պուտինով: Վերջինս TF1-ի լրագրող Ժիլ Բուլոյի հետ միասին Սոչիում հարցազրույց է վերցրել Պուտինից և չի կարողացել զսպել իրեն ու կիսվել է իր տպավորություններով, մինչ հարցազրույցը կհայտնվեր եթերում:
Լրագրողը նշում է, որ նրանք հարցազրույցին սպասել են ժամը 5-ից մինչ կեսգիշեր:
«Պուտինը հայտնվեց, բարեհամբույր, սակայն զուսպ կերպով ողջունեց մեզ»:
Լրագրողը կիսվում է իր տպավորություններով` պատմելով, որ անգամ չէր կարող պատկերացնել նման զրույց, չնայած որ բազմաթիվ անգամ հարցազրույցներ է վերցրել Ֆրանսիայի առաջնորդներից: Լրագրողը նշում է, որ երբեմն նկատում էին, որ հարցերը զայրացնում էին Պուտինին, սակայն նա դրանց սպառիչ պատասխաններ էր տալիս, այնուամենայնիվ:
2 ժամ տևած զրույցից հետո Պուտինը լրագրողներին առաջարկել է գնալ հյուրասենյակ, դա հսկայական սրահ էր բարձր առաստաղներով, չնայած ինտերիերը չափազանց հասարակ է եղել:
«Պուտինը մեզ առաջարկեց խմել և երբ նա պատմում էր ռուսական շամպայնի մասին, որով նա ցանկանում էր մեզ հյուրասիրել, ես շրջվեցի ու ապշեցի: Չկային ո՛չ թիկնապահներ, ո՛չ մամլո ծառայության աշխատակիցներ: Նա մեզ հետ միայնակ մնաց: Ես նման բան բացարձակ չէի կարող պատկերացնել: Ոչ մի ֆրանսիացի նախագահ, վարչապետ, խոշոր չինովնիկ չի մնում միայնակ լրագրողների հետ: Դա մեր իսթեբլիշմենթի համար աներևակայելի մի բան է:
Մենք խմեցինք, և սկսվեց խոսակցությունը: Միանգամայն այլ խոսակցություն: Մեր դիմաց սրամիտ, թեթև, մի փոքր ամաչկոտ զրուցակից էր, ով թույլ էր տալիս ընդհատել իրեն, կատակել:
Հակադրությունն այնքան մեծ է, որ այժմ ինձ համար դժվար է ասել, թե ով է միսիե Պուտինը…
Քանզի ես տեսնում էի երկու անձի` նախագահի, ով իրեն արքայավայել էր պահում, և մարդու, ով մեզ հիացրեց՝ ստիպելով մոռանալ, որ մենք մի քանի ժամ շարունակ տանջվում էինք նրա ընդունարանում»:
Տաթև Ֆռանգյան
http://galatv.am/hy/international/45654754/