ԼՐԱՀՈՍ - Հեղինակ՝ . Monday, February 17, 2014 16:11 - 1 քննարկում

«Համշենը անցյալի և ներկայի խաչմերուկներում» վավերագրական ֆիլմը կներկայացվի Նյու Յորքի կինոփառատոնում

Բանասիրական գիտությունների թեկնածու, ԵՊՀ դոցենտ, թուրքագետ Լուսինե Սահակյանի «Համշենը անցյալի և ներկայի խաչմերուկներում» վավերագրական ֆիլմը կներկայացվի մարտի 14-20-ը Նյու Յորքում կայանալիք «Socially Relevant Films» կինոփառատոնում: Ֆիլմը, որի հայաստանյան պրեմիերան տեղի ունեցավ 2013 թվականի մարտ ամսին, արդեն հասցրել է ցուցադրվել միջազգային մի շարք հեղինակավոր կինոփառատոններում և արժանանալ մրցանակների:

«Համշենը անցյալի և ներկայի խաչմերուկներում» ֆիլմը ներկայացնում է 18-րդ դարում Օսմանյան կայսրությունում բռնի իսլամացված («թուրքացված») Համշենի հայության սերունդների ներկա վիճակը: Ֆիլմը բաղկացած է երկու մասից: Առաջին մասում, որ կոչվում է «Արդվինի նահանգ», հայոց Համշեն գավառի մասին պատմական ակնարկից հետո ներկայացվում են դրվագներ Արդվինի նահանգի Խոփա գավառի համշենցիների կյանքից: Երկրորդ մասը, որ կոչվում է «Ռիզեի նահանգ», արդեն ներկայացնում է թուրքախոս համշենցիներին: Ֆիլմում տեղ են գտել բացառիկ դրվագներ Համշենի հայկական երբեմնի հզոր իշխանության, մշակույթի մասին, ինչպես նաև մեկնաբանված է բռնի իսլամացման օսմանյան քաղաքականությունը, որը ոչ այլ ինչ էր, եթե ոչ ցեղասպանության մի տարատեսակ:

Ankakh.com



1 քննարկում

You can follow any responses to this entry through the RSS 2.0 feed. Both comments and pings are currently closed.

Лев-он
Feb 20, 2014 6:49