ԼՐԱՀՈՍ - Հեղինակ՝ Admin. Thursday, December 12, 2013 9:06 - չքննարկված
Դավութօղլուն Երևան է ժամանել անակնկալ ուղեկիցներով. «Հյուրիյեթ»
Թուրքիայի արտգործնախարար Ահմեթ Դավութօղլուի՝ Երևան կատարած այցին մեծ ուշադրություն է հատկացրել թուրքական առաջատար լրատվամիջոցներից «Հյուրիյեթը»։
Թերթի թղթակիցն ուղեկցել է Դավութօղլուն և նրա հետ ժամանել Երևան։ «Հյուրիյեթն» իր «Դավութօղլուի Երևանի այցի անակնկալ անունները» վերնագրով հոդվածում ուշադրություն է հրավիրում Թուրքիայի արտգործնախարարին ուղեկցող կազմի, մասնավորապես պատվիրակության հայ անդամների վրա։
Դավութօղլուին ուղեկցում են «Ակօս» շաբաթաթերթի գլխավոր խմբագիր Ռոբրե Քոփթաշն ու «Ենի Շաֆաք» թերթի հոդվածագիր Մարգար Եսայանը։ Թուրք նախարարի հետ Երևան է ժամանել նաև Թուրքիայում ծնված և Ֆրանսիայի քաղաքացի հանդիսացող Սամսոն Օզարարատը, ում այց Դավութօղլուի հետ, ըստ թերթի, անակնկալ էր։
Օդանավակայանում թուրքական պատվիրակությանը դիմավորել է ՀՀ փոխարտգործնախարար Աշոտ Հովակիմյանը։
Թերթը նշում է, որ Դավութօղլուին Երևանում հյուրանոցի դիմաց վաղ առավոտից սպասել են մի խումբ ցուցարարներ, ովքեր պահանջել են Հայոց ցեղասպանության ճանաչում, ինչպես նաև հյուրանոցի դիմաց թուրքական դրոշներ նետել, սակայն թուրք նախարարը հյուրանոց է մտել հետնամուտքից՝ խուսափելով ցուցարարների հետ հանդիպումից։
allTurkey.am
– See more at: http://allturkey.am/7125/%D5%A4%D5%A1%D5%BE%D5%B8%D6%82%D5%A9%D6%85%D5%B2%D5%AC%D5%B8%D6%82%D5%B6-%D5%A5%D6%80%D6%87%D5%A1%D5%B6-%D5%A7-%D5%AA%D5%A1%D5%B4%D5%A1%D5%B6%D5%A5%D5%AC-%D5%A1%D5%B6%D5%A1%D5%AF%D5%B6%D5%AF%D5%A1/#sthash.Hjhtien2.dpuf