ՀԵՌՈՒՍՏԱԾՐԱԳՐԵՐ - Հեղինակ՝ . Monday, January 21, 2013 2:49 - չքննարկված

Թե ինչ եղավ, երբ Պիացցոլլայից հետո Ռիտա Սարգսյան նվագեցին…

Թե ինչ եղավ, երբ Պիացցոլլայից հետո Ռիտա Սարգսյան նվագեցին

Երեկ Արամ Խաչատրյանի անվան համերգասրահում տեղի է ունեցել իտալացի աշխարահռչակ բանդոնեոնահար, ակորդեոնահար Մարիո Ստեֆանո Պիետրոդարկիի համերգը` Հայաստանի պետական երիտասարդական նվագախմբի հետ համատեղ. նվագախմբի ղեկավար Սերգեյ Սմբատյան: Նախապես հայտարարվել էր, որ կհնչեն Աստոր Պիացցոլլայի, Նինա Ռոտայի, Ռոբերտո Մոլինելի, Ֆաբիո Կոնիչիելայի և Էնրիկո Բլատի, ինչպես նաեւ Մարտին Պալմերի ստեղծագործությունները: Սակայն, մեր տեղեկություններով, հանդիսատեսին մշակութային շոկային անակնկալ է սպասվել` այն էլ, համերգի վերջում: Աշխարհահռչակ այս կոմպոզիտորների ստեղծագործություններից հետո, հանկարծ հայտարարվել է, որ կկատարվի նաեւ Ռիտա Սարգսյանի «Նվիրում Տանգոյին» ստեղծագործությունը:

Ականատեսների վկայությամբ, այդ հայտարարությունը լսելուց հետո դահլիճը սկզբից մի հատ փռթկացել է, հետո բոլորը սկսել են իրար նայել զարմացած, ու ապա տիրել է բացարձակ լռություն, որից հետո Պիետրոդարկին եւ նվագախումբը սկսել են նվագել Ռիտա Սարգսյանի գլուխգործոցը:

Ըստ ականատեսների, ստեղծագործության կատարման ժամանակ արդեն շատերն էին ոչ միայն տարակուսում, այլեւ` քննարկում, թե ի՞նչ էր սա, իսկ երբ ստեղծագործությունն ավարտվել էր, դահլիճը ակնհայտ սարկազմով սկսել է գոռալ «բռավո», այն դեպքում, երբ նույնիսկ Պիացցոլլայի ստեղծագործությունների ժամանակ «բռավո» չէր գոռացել:

Ամենահետաքրքիրը, սակայն, կատարվել է հետո: Ռիտա Սարգսյանի ստեղծագործության կատարումից հետո դահլիճի աուրան միանգամից փոխվել է, նախորդ ստեղծագործությունների ազդեցությունից բան չէր մնացել, եւ թեեւ համերգն արդեն ավարտված էր, սակայն, թերեւս զգալով հանդիսատեսի տրամադրությունը` երաժիշտները որոշել են համերգը շարունակել եւս 40 րոպե: Նվագել են Պիացցոլլայի «Լիբերտանգոն», որից հետո դահլիճը մի փոքր ուշքի է եկել, ապա «Կռունկ»-ը, հետո էլի եւս մեկ ստեղծագործություն, եւ համերգը ավարտել են, ըստ էության, այն ժամանակ, երբ դահլիճն ակնհայտորեն մի փոքր խաղաղվել էր մշակութային այդ շոկից հետո: Այդուհանդերձ, անգամ նման ֆինալից հետո` արդեն դահլիճից դուրս գալուց հետո մարդիկ շարունակել են քննարկել կատարվածը, մի մասը հումորներ էր անում, մի մասը ջղայնացած էր, իսկ համերգին ներկա իշխանությունների հետ ակնհայտ կապ ունեցողները ուղղակի լուռ էին:

Հ.Գ. Ի դեպ, Ռիտա Սարգսյանը ներկա է եղել համերգին:



Այս թեմայի շուրջ տարվող Քննարկումները ժամանակավորապես կասեցված են.

ՀԵՌՈՒՍՏԱԾՐԱԳՐԵՐ, Ս. ՔԻՐԵՄԻՋՅԱՆ - Aug 19, 2016 10:00 - չքննարկված

Ինչպես ընդունվեց Հայոց ցեղասպանության և ժխտման քրեականացման օրենքը Սլովակիայում :Ինչպես Հայաստանը ունեցավ Ռազմական ինքնաթիռներ:Ստեփան Քիրեմիջյանի հյուրն էր ԵՀՄՖ նախագահ Աշոտ Գրիգորյանը:

More In Ս. ՔԻՐԵՄԻՋՅԱՆ


More In


ԷԿՈՆՈՄԻԿԱ - Jun 18, 2016 10:07 - 1 քննարկում

տեղեկատվական տեխնոլոգիաների ձեռնարկությունների տնօրեն՝ Կարեն Վարդանյանը և տնտեսագիտության դոկտոր՝ Կարեն Ադոնցը:Մագնիս – Magnis 14.06.2016

More In ԷԿՈՆՈՄԻԿԱ