Կառավարությունում անցկացրած շաբաթօրյա խորհրդակցության ժամանակ Սերժ Սարգսյանը, թերևս, ամենաարմատական ընդդիմադիրից էլ սուր քննադատության ենթարկելով գործող կառավարությանը, հատուկ հանձնարարականներ տվեց ԱԱԾ-ին և գլխավոր դատախազությանը` պետական բյուջեի հաշվին յուրացումներ կատարած անձանց հայտնաբերելու ուղղությամբ:

«Բայց էլի չգաք, ասեք` էս մեկը միլիոն ու կես դրամ գողացավ, էս մյուսը երկու միլիոն գողացավ: Գլխից պիտի բռնեք, մեծերին»,- ասաց Սարգսյանը: Խորհրդակցությունից անցել է 3 օր, ի՞նչ են այս ընթացքում արել պատկան մարմիններում` Սերժ Սարգսյանի հատուկ հանձնարարականները կատարելու ուղղությամբ: Այս հարցը «Հայկական ժամանակ»-ը փորձեց պարզել ՀՀ գլխավոր դատախազի մամուլի խոսնակ Սոնա Տռուզյանի միջոցով:

– Խորհրդակցության ժամանակ Սերժ Սարգսյանը նաև մատնանշեց ՎազգենԽաչիկյանի գործը, դատախազությունում քրգործ էր հարուցվել նրաղեկավարած հիմնարկությունում հայտնաբերված խոշոր չարաշահումներիհամար, բայց մենք որքան տեղյակ ենք` կալանավորվածներ չկան, այդ գործնի՞նչ ընթացքի մեջ է, ո՞ւր է հասել:

– 2009-10 թվականների ընթացքում կենսաթոշակների նշանակման և վճարման գործընթացում արձանագրված չարաշահումների կապակցությամբ, ֆինանսների նախարարությունից ստացած նյութերի հիման վրա, գլխավոր դատախազության պետական շահերի պաշտպանության վարչությունում 2011-ին հարուցվել են քրեական գործեր, որոնց նախաքննությունը հանձնարարվել է ոստիկանության քննչական գլխավոր վարչությանը, և քննությունն այնտեղ ընթանում է: Կարող եմ ասել, որ սեպտեմբերի 18-ի դրությամբ նախաքննության փուլում մեղադրանք է առաջադրվել 24 անձանց, որոնցից 7-ի նկատմամբ որպես խավսսնման միջոց է ընտրվել կալանավորումը, մեկի նկատմամբ հայտարարվել է հետախուզում: Այս 24 մեղադրյալների կողմից պետությանը պատճառված վնասը կազմում է ավելի քան 72 միլիոն դրամ, որոնցից նախաքննության փուլում վերականգնվել է ավելի քան 36 միլիոն դրամը, իսկ մինչ այդ արդեն իսկ երեք գործ ուղարկվել է դատարան, 12 անձանց վերաբերյալ կայացվել են մեղադրական դատավճիռներ: Նախաքննությունը շարունակվում է:

– Իսկ ովքե՞ր են այդ կալանավորված անձինք:

– Կան և այդ ոլորտի պաշտոնատար անձինք, կան նաև այնպիսիները, ովքեր աջակցել են այս պաշտոնատար անձանց` գումարների հափշտակության մեջ:

– Երբ աղմկոտ այդ քրեական գործը հարուցվեց, ամենասկանդալային անձը, ումանունը հոլովվում էր այդ գործով (ՎՊ–ն էլ նրա անունը տվեց), ՎազգենԽաչիկյանն էր. փաստորեն, նրա վրայից կասկածանքները ցրվել են, այո՞, ինքըազատ է, ոչ էլ կանչվում է ոստիկանության, սա ո՞նց հասկանալ:

– Ձեր այդօրինակ մեկնաբանությունները չունեն որևէ հիմք, նախ, որևէ այլ պետական մարմին կամ անձ, բացառությամբ նախաքննական մարմնից, իրավունք չունի որևէ մեկին մեղադրանք առաջադրել, և որևէ այլ պետական մարմին չի կարող որևէ մեկին համարել հանցագործ, քանի դեռ չկա օրինական ուժի մեջ մտած դատավճիռ: Նախաքննական մարմինը, տվյալ պարագայում` ոստիկանությունը մեղադրանք է առաջադրում գործում ձեռք բերված ապացույցների հիման վրա:

– Փաստորեն, ստացվում է, որ նախաքննական մարմինը Վազգեն Խաչիկյանիդեմ ոչ մի բան չի հայտնաբերել: Այսինքն, Վազգեն Խաչիկյանն ազնիվ էաշխատել, և նրան հանիրավի աշխատանքից ազատել են:

– Նախաքննական մարմինը գնահատականներ է տալիս նախաքննությամբ ձեռք բերված ապացույցների հիման վրա յուրաքանչյուրի գործողությանը: Այդ գործը շատ բազմադրվագ էր և ընդգրկում էր հանրապետության գրեթե բոլոր մարզերը` խարդախության տեսակներ, հափշտակության տեսակները նույնպես շատ բազում էին, հետևաբար, գործ ունեինք ինչպես մահացած և ՀՀ-ից բացակայող կենսաթոշակառուների անվամբ կատարված վճարումների չարաշահումների, այնպես էլ դեպոնենտ գումարների վճարումների, կենսաթոշակի, թաղման նպաստի, կրկնակի վճարումների ոլորտներում արձանագրված խախտումների հետ: Այս բոլոր ուղղություններով մեր հանրապետության մարզերում նախաքննական մարմինը կատարում է խորացված քննություն:

– Այսինքն, չի բացառվում, որ հերթը Վազգեն Խաչիկյանին է՞լ հասնի:

– Նախաքննական մարմինը ձեռք բերված ապացույցների հիման վրա առաջադրված մեղադրանքների մասին կամ առաջադրվելիք մեղադրանքների մասին կծանուցի:

Քանի որ Սերժ Սարգսյանը հրահանգել էր պետական բյուջեի հաշվին յուրացումներ կատարածներին գլխից բռնել, իսկ «Խաչիկյանի գործով» նախաքննությունն ընթանում է ոստիկանությունում, ոստիկանության հասարակայնության հետ կապերի վարչության պետ Աշոտ Ահարոնյանին «ՀԺ»-ն հարցրեց.

– Ստացվում է, որ սույն գործով պատժվում են միայն ստորին օղակները, այնինչ,Սերժ Սարգսյանը հանձնարարել էր` գլխից բռնել: Ինչպե՞ս է, որ Խաչիկյանիմասով ոչինչ չի հայտնաբերվել, այն դեպքում, երբ հենց նրա անունն էր իսկզբանե հոլովվում որպես օրինախախտ, բայց հիմա նա ազատ շրջում է,Ախթալայում Խաչիկյան Եղբայրները կրակում են և այլն, բայց ստորինօղակներն են պատժվում:

– Ինքը կանչվել է ոստիկանություն, գրավոր բացատրություն է գրել, մի քանի անգամ կանչել են, նախաքննության ավարտին նոր միայն հնարավոր կլինի խոսել, ինչ-որ գնահատական տալ: Այս պահին նախաքննություն է գնում, իսկ նախաքննության ընթացքը ցանկացած պահի կարող է փոխվել: