«Չենք լռելու» երիտասարդական նախաձեռնությունը սկսում է վիդեոզրույցների նոր շարք` «Մերկ պատմություն» խորագրով: Շարքի նպատակն է հայոց պատմության մինչ այժմ անառարկելի համարվող էջերի վրա հայացք նետել այլ տեսանկյունից: Շարքի հյուրերն են լինելու մերօրյա իրականության մեջ հազվադեպ հանդիպող չծախված մտավորականության ներկայացուցիչները:

Շարքը սկսելով՝ «Չենք լռելու»-ն նպատակ չի հետապնդում կասկածի տակ դնել Հայոց պատմության` սերնդից սերունդ փոխանցված և այժմ ընդունված առանցքային հիմնադրույթները: Նախաձեռնությունն ուղղակի ցանկանում է հանրությանը ներկայացնել տարբեր կարծիքներ` որպես տեղեկատվություն դատելու և վերլուծելու համար:

Հյուրերի կողմից հնչեցված կարծիքների կարող են չհամընկնել «Չենք լռելու»-ի տեսակետի հետ:

«Մերկ պատմության» առաջին թողարկման հյուրն է անվանի արձակագիր, ՀԳՄ անդամ, կինոսցենարիստ Վահան Տեր-Ղազարյանը: Նա կխոսի հայ ժողովրդի կյանքում Հայ Առաքելական եկեղեցու ունեցած դերի մասին: Ըստ Տեր-Ղազարյանի, այս հարցում ամենն այդքան էլ միանշանակ չէ…